Nagpahigayon og Wellness Exercise ang Bureau of Fire Protection o BFP Dipolog City Fire Station pinaagi sa usa ka friendly game of pickleball niadtong September 8, 2026, aron mapalambo ang physical fitness, camaraderie ug kinatibuk-ang kahimsog sa mga personnel.
Gipangunahan ang kalihokan ni FSINSP Aprilyn B. Barbaso, Acting City Fire Marshal, diin gihatagan og higayon ang mga personnel nga magpabiling aktibo, makapahulay gikan sa kakapoy sa trabaho ug mapalig-on ang ilang panaghiusa isip usa ka team.
Pinaagi sa maong wellness activity, gipalig-on usab ang maayong relasyon ug positibong palibot sa trabaho, samtang gihatagan og importansya ang pisikal ug mental nga kahimsog sa mga personnel.
Gipakita sa BFP Dipolog City nga ang pag-atiman sa kahimsog ug kaayohan sa mga personnel kabahin usab sa pag-andam alang sa ilang responsibilidad sa pagserbisyo ug pagpanalipod sa komunidad.(JENIFFER JR. DELICA)
Source: BFP R9 Dipolog City Fire Station