Gipahigayon sa BFP Sindangan Municipal Fire Station ang pag-apil sa 3rd Quarter National Simultaneous Earthquake Drill o NSED 2026 niadtong September 10, 2026 alas 2:00 sa hapon, isip kabahin sa pagpalig-on sa disaster preparedness ug resilience sa komunidad.
Gipangulohan ni FSINSP Francis Carl T. Paulite, Municipal Fire Marshal, ang mga personnel sa maong kalihokan nga nagtumong sa pagpalig-on sa ilang kahandaan, koordinasyon ug emergency response capabilities panahon sa linog.
Pinaagi sa simulated earthquake scenario ug hustong safety procedures, gipahinumdoman ang mga partisipante sa angay buhaton aron malikayan ang peligro panahon sa linog.
Gipasiugda usab ang “DUCK, COVER, and HOLD” isip importanteng pamaagi sa pagpanalipod sa kaugalingon atol sa linog, isip kabahin sa padayong paningkamot alang sa mas andam ug lig-on nga komunidad.(JENIFFER JR. DELICA)
Source: BFP R9 Sindangan Municipal Fire Station