Mitubag dayon ang Bureau of Fire Protection Emergency Medical Services o BFP EMS-Dipolog City Fire Station sa usa ka vehicular accident sa Barangay Galas, Dipolog City, Zamboanga del Norte niadtong September 8, 2026.
Pag-abot sa lugar, gisiguro sa Shift A EMS personnel ang kaluwasan sa lugar ug gisusi ang kahimtang sa pasyente nga nakit-ang naglingkod sa daplin sa dalan, conscious ug responsive. Nakaplagan usab ang abrasion wound sa iyang likod.
Gihatagan dayon og hustong first aid ang pasyente, diin gilimpyohan ug gitabonan ang samdan aron malikayan ang impeksyon ug kontaminasyon. Padayon usab nga gibantayan ang iyang kahimtang samtang giandam ang pagdala kaniya sa ospital.
Gidala ang pasyente sakay sa BFP Ambulance ngadto sa Zanorte Medical Center sa Dipolog City alang sa dugang nga medical evaluation ug pag-atiman.(JENIFFER JR. DELICA)
Source: BFP R9 Dipolog City Fire Station