Nagpahigayon og school safety ug security awareness activity ang personnel sa Godod Municipal Police Station sa Banuangan Integrated School ug Miampic Elementary School sa Godod, Zamboanga del Norte, ubos sa pagpanguna ni PCPT Harley June B. Mejorada, Officer-in-Charge.
Gisusi sa mga police personnel ang mga security measures sulod sa mga eskwelahan aron matino ang posibleng safety concerns nga mahimong makaapekto sa mga estudyante, teaching personnel ug school staff.
Nakig-coordinate usab ang kapulisan sa mga school authorities aron mapalig-on ang security awareness ug preparedness, ingon man ang pagmentinar sa luwas ug seguradong learning environment.
Gipasiugda sa maong kalihokan ang importansya sa suod nga koordinasyon tali sa kapulisan ug mga opisyal sa eskwelahan aron malikayan ang mga insidente ug matubag dayon ang mga concern sa seguridad sulod ug palibot sa mga eskwelahan.(JENIFFER JR. DELICA)
Source: PNP Godod Municipal Police Station ZNPPO