Atol sa duha ka adlaw nga Strategic Performance Management System (SPMS) Training-Workshop, gipakusgan sa Provincial Government of Zamboanga del Norte (PGZN) ang performance accountability sa mga empleyado pinaagi sa mas klaro nga pagtakda sa targets, pagmonitor sa resulta ug pagtimbang-timbang sa performance.
Gitapos ang maong training-workshop niadtong Hulyo 22, 2026 sa Zamboanga del Norte Convention and Exhibition Center sa Dipolog City, diin gitambongan sa mga chief of offices, officers-in-charge, department heads ug personnel gikan sa nagkadaiyang opisina sa Provincial Capitol.
Gitumong sa kalihokan nga mas masabtan ug magamit sa mga partisipante ang SPMS isip sistema sa pag-align sa performance sa matag empleyado ug opisina ngadto sa mga tumong ug prayoridad sa provincial government.
Si Atty. Jerry Mayormita, Provincial Director sa Civil Service Commission (CSC) Zamboanga del Norte Field Office, maoy resource speaker sa training nga naghisgot sa performance planning ug commitment, monitoring ug coaching, performance review ug evaluation, ug performance rewards ug development planning.
Atol sa workshop sessions, gipraktis sa mga partisipante ang paghimo sa Office Performance Commitment and Review (OPCR) ug Individual Performance Commitment and Review (IPCR), lakip ang pagformulate og masukod nga performance indicators ug pagtakda og klaro ug realistiko nga performance targets.
Gipasiugda usab sa training ang papel sa SPMS sa pagpalig-on sa transparency ug accountability sa trabaho, samtang makatabang kini sa pag-ila sa performance gaps ug pagpatuman sa tukmang mga lakang alang sa padayong pagpauswag sa serbisyo.
Gipangunahan sa Provincial Human Resource Management Office (HRMO), ubos sa supervision ni PHRMO Atty. Gil Muncada, ang maong training-workshop isip kabahin sa padayong paningkamot sa PGZN sa pagpalambo sa performance ug kapasidad sa mga empleyado.(IKEN B. GULLEM)
Source: Zamboanga del Norte Provincial News Network