Mipahigayon og information dissemination ang buhatan sa Management Information Services Office (MISO) sa pagpanguna ni Officer In-charge/ ITO-II, Ms. Constance Marie Yvette M. Son, diin gipasabot niini ang mahitungod sa Executive Order number 12, kabahin sa Information and ICT Facility Use, Security and Data Integrity Policy, nga gitambungan sa mga nanguna sa matag buhatan sa kapitolyo ning probinsiya sa Zamboanga del Norte, Abril 22, 2025.
Gipasabot ang tumong sa naasoy nga Executive Order number 12 ning maong probinsiya, aron masayran sa matag impleyado sa provincial government ang dili angay nga buhaton sa mga computer nga gigamit sa matag opisina, aron malikayan ang kalangan sa mga transaksyones, aron usab malikayan nga makasulod ang mga nagkalaing-lain nga cyber-security threats nga makasulod sa system nga gigamit sa kapitolyo.
Lakip nga gipasabot sa maong higayon ang mamahimong sanctions o tulubagon sa mga makalapas, nga maoy kabahin sa gimando sa executive order number 12, diin aktibong kining gisalmotan sa mga mitambong sa nahisgutang meeting, diin midangat kini og mga pangutana, aron mahatagan og katin-awan ang kabahin sa maong executive order.
Gikahibaloan nga kini ang pinakaunang higayon nga namugna ang Information and ICT Facility Use, Security, And Data Integrity Policy nga usa sa mga requirements para ma-comply ang Data Privacy Act implementation sa Provincial Capitol.(Angelica T. Obina)
SOURCE : Zamboanga del Norte Provincial Information Center(PIC)-Julius Esmade