Mobalor sa kapin P200K nga kantidad sa gituohang shabu ang malampusong nakumpiska sa gipahigayon nga buy-bust operation sa mga tinugyanan sa balaod gikan sa usa ka notadong Street Level Individual, mga alas 6:00 ang takna sa kagabhion, Abril 22,2025 didto sa Purok Parpagayo, Brgy Minaog, ning dakbayan sa Dipolog.
Ang suspek naila nga usa ka 31 anyos nga lalaki, ulitawo, walay trabaho ,notadong street level individual ug residente sa nasangpit nga Barangay, kinsa gisikop sa mga personnel sa Dipolog CPS (SDET) pinangulohan ni PLT JULITO TAJOR PAMALARAN (Lead Unit) uban sa koordinasyon sa PDEA 9 mipahigayon sa pagpatuman sa Search Warrant tungod sa Paglapas sa RA 9165 nga giisyu sa presiding Judge sa RTC 9, Branch 6, Dipolog City.
Nakuha gikan sa dinakpan ang 13 ka mga pakete sa small size heat-sealed transparent sachet sa gituohang shabu ug laing dagko ug gagmay nga putos sa gituohang shabu,mga butang nga dili druga ug P700 nga cash money.
Ang gidudahang drugas gibana-bana nga mutimbang sa 30 gramos ug adunay street value nga mobalor sa P204,000.00.
Ang mga nakumpiska nga drug items gi-turn over sa ZN Provincial Forensic Unit para sa eksaminasyon,samtang ang suspek anaa na karon sa kustodiya sa kapulisan ug mag atubang sa kasong kalapasan sa RA 9165 kon Comprehensive Dangerous Drugs Act of 2002.(Medalyn U. Borja)
Source: Dipolog CPS