Nagpahigayon og Personnel Information and Education session ang Salug District Jail aron pahinumduman ug ipasabut sa tanang personnel ang mga bag-ong direktiba, polisiya, ug mga kabalak-an sa operasyon sa buhatan.
Atol sa kalihokan, gihatagan sa Jail Warden og giya ang mga personnel aron mapalig-on ang disiplina, koordinasyon, ug propesyonalismo sa ilang pagserbisyo isip mga kawani sa Bureau of Jail Management and Penology.
Kabahin usab sa sesyon ang paghisgot sa mga lakang aron masiguro ang hapsay nga pagpatuman sa mga buluhaton ug pagpalig-on sa panaghiusa sa tanang personnel.
Sumala sa Salug District Jail, ang kanunayng paghatag og impormasyon ug giya sa mga personnel maoy usa sa mga paagi aron mapadayon ang episyente, responsable, ug maayong serbisyo publiko.(JENIFFER JR. DELICA)
Source: Salug District Jail- BJMPR9