Miapil ang Lokal nga Panggamhanan sa Liloy sa ceremonial Memorandum of Agreement signing alang sa Legislative Tracking System ubos sa Department of the Interior and Local Government Project MATINO o Modernized and Tech-Forward Innovation for Networking Operations.
Gitambongan ni Mayor Roberto Lim Uy Jr. ang maong kalihokan uban sa Regional Director, Provincial Director, mga mayor sa Ikatulong Distrito, Local Government Operations Officers, ug uban pang mga kaabag sa gobyerno.
Ang Legislative Tracking System gilauman nga makapaayo sa pagdumala ug pagmonitor sa mga legislative measures pinaagi sa mas paspas nga koordinasyon, mas organisadong pagtipig sa mga rekord, ug mas episyenteng paghatag og serbisyo sa publiko.
Matod sa DILG, kabahin kini sa padayon nga pagpalig-on sa digital innovation sa mga lokal nga panggamhanan aron mapauswag ang transparency, accountability, ug maayong pagdumala sa gobyerno.(JENIFFER JR. DELICA)
Source: Municipality of Liloy