Nagpahigayon og information lecture ang Dipolog City Police Station alang sa mga ginikanan sa kindergarten learners sa Barangay Cogon aron mapalig-on ang ilang kahibalo sa pagpanalipod sa kababayen-an, kabataan, ug pamilya.
Atol sa kalihokan, gihisgutan ang Safe Spaces Act, Anti-Rape Law, ug Violence Against Women and Their Children o VAWC Act, lakip ang mga katungod ubos niini ug mga paagi sa pagpugong sa abuso ug kapintasan.
Gipasabot usab sa mga partisipante ang kamahinungdanon sa gender sensitivity ug sa paghimo og luwas, matinahuron, ug walay kapintas nga palibot alang sa mga bata ug matag pamilya.
Sumala sa kapulisan, kabahin kini sa padayon nilang kampanya sa pagpalig-on sa kahibalo sa komunidad aron mapanalipdan ang kababayen-an ug kabataan pinaagi sa edukasyon ug kooperasyon sa mga ginikanan.(JENIFFER JR. DELICA)
Source: PNP Dipolog City Police Station