Sa padayon nga kampanya sa pagpanalipod sa kabataan, ang personahe sa Sibutad Municipal Police Station mipasiugda ug edukasyonal nga pagbansay kabahin sa Republic Act 9165 o ang Comprehensive Dangerous Drugs Act of 2002, ug Republic Act 11930 nga naglatid sa Online Sexual Abuse or Exploitation of Children (OSAEC) ug ang Child Sexual Abuse or Exploitation Materials (CSAEC), nga gipahigayon sa brgy. Hall, Poblacion, Sibutad, Zamboanga del Norte.
Ang kalihokan gibuhat isip pagsaulog sa Linggo ng Kabataan nga may kalabutan sa Drug Abuse Prevention and Control Week (DAPC Week), ug Children’s Month Celebration. Gitambongan kini sa mga batan-on sa komunidad aron masabtan nila ang seryosong peligro sa iligal nga droga ug ang nagkagrabeng hulga sa online exploitation sa mga menor de edad.
Kini nga lakang nagtinguha sa paghatag klaro, hustong impormasyon ug pagpahugot sa relasyon tali sa kabatan-onan, komunidad, ug mga awtoridad. Lakip usab sa tumong niini ang pagdasig sa kabatan-onan nga mahimong aktibo sa pagprotekta sa ilang kaugalingon ug sa ilang mga kauban batok sa bisan unsang matang sa abuso.(IKEN B. GULLEM)
Source:Sibutad Municipal Police Station ZNPPO