Isip pagpakusog sa Presensya sa kapulisan,ang mga personahe sa Godod Municipal Police Station,nipahigayon og “Strong Police Presence” operation didto sa Barangay Rambon, Godod, Zamboanga del Norte,niadtong Agusto 10,2025.
Ang maong operasyon pinangulohan ni PEMS Rene Boy J Bendong-MESPO, ubos sa direktang pagdumala ni PCPT RICKY O ACAS- Officer-in-Charge, uban sa koordinasyon sa 2nd ZNPMC, BFP Godod, ug MDRRMO.
Kini nga kalihokan gikalambigitan sa partisipanteng ahensya alang sa diskusyon kabahin sa kaso ubos sa Katarungang Pambarangay, ang Anti-Rape Law (RA 8353), RA 9262 (Anti-Violence Against Women and Their Children Act), R.A. 4136, nga nailhan usab nga Transportation and Traffic Code ug uban pang isyu nga may kalabotan sa kalinaw ug kahusay.
Gipahigayon usab niini ang usa ka information drive, pinaagi sa pag-apod-apod sa mga flyers aron mapataas ang kahibalo sa mga residente.
Alayon niini nga mahatagan ug maayong pasabot ang mga partisipante sa epekto sa ilegal nga droga, mga pamaagi alang sa mga first responder sa mga crime scene, briefing, oryentasyon, ug mga seminar sa matag clustered barangays, sa pag-aghat sa kapulisan sa paspas nga pagtubag sa unsa man ang kinahanglang respondehan.(Medalyn U. Borja)
Source: Godod MPS