DAVAO CITY – Walo ka mga Chinese nationals ang nadakpan karong hapon, Agosto 12, human gi-raid sa National Bureau of Investigation (NBI) South Eastern Mindanao Regional Office ang usa ka giingong Philippine Offshore Gaming Operators (POGO) hub sulod sa usa ka pribadong subdivision sa Buhangin.
Matod sa NBI, kapin sa 10 ka computer units ang nakumpiska nga gigamit kuno sa iligal nga operasyon. Base sa imbestigasyon, niadtong Abril ning tuiga nagsugod og abang og balay sa subdivision ang mga suspetsado.
Padayon ang imbestigasyon aron masuta ang gilapdon sa operasyon ug kung adunay uban pang kasabwat ang nadakpan.(Camille Santos Naraga)(Source: Contributed)