Usa ka panaghiusa sa mga personahe sa Dapitan City Police Station ug simbahan ang nagpunting sa kalinaw ug kahimsog sa relasyon sa katawhan atol sa Ugnayan sa Barangay Community Outreach Program nga gipahigayon sa Brgy. Ma. Uray Dapitan city, kaniadtong Oktubre 23, 2025.
Pinangulohan ni PSMS Nick A. Quimiging, Chief Investigator, ubos sa pagdumala ni PLTCOL Eva Joy E. Capurcos, Chief of Police sa Dapitan CPS, ang kalihukan adunay mga aktibidad sama sa barangay visitation ug dayalogo, lecture ug IEC distribution, ug awareness sessions kabahin sa R.A. 9262 (Anti-VAWC), R.A. 8353 (Anti-Rape Law), ug R.A. 9165 (Comprehensive Dangerous Drugs Act).
Gibisita usab ang mga tanod aron palig-onon ang ilang kahibalo sa mga responsibilidad sa barangay, paghimog aksyon sa kaso, ug pagpatuman sa warrantless arrest, samtang gipanghatagan sila ug arnis sticks aron mas mapaayo ang ilang kapasidad sa pagpanalipod sa katawhan.
Ang kalihokan nagpakita sa panaghiusa sa PNP Dapitan, religious sector, ug mga residente aron mapadayon ang komunidad nga malinawon, masabtanay, ug malig-on sa kooperasyon.(Iken B. Gullem)
photo courtesy: Dapitan City Police Station ZNPPO