Gipalig-on sa Provincial Council for the Protection of Children (PCPC) sa Zamboanga del Norte ang kampanya batok malnutrisyon ubos sa Local Nutrition Action Plan (LNAP) nga naghiusa sa mga programa sa lokal ug nasyonal nga ahensya aron mapaayo ang nutrisyon sa probinsya.
Lakip sa plano ang 120-ka adlaw nga feeding program alang sa pagpugong sa stunting sulod sa unang 1,000 ka adlaw sa bata ug ang mga proyekto sama sa pagtukod ug farm-to-market roads aron masiguro ang akses sa abot-kayang pagkaon.
Gipunting ni Provincial Nutrition Officer Noah Vincent Gallo ang kahinungdanon sa pagbag-o sa pamatasan ug kampanya sa kasayuran aron epektibong masugpo ang malnutrisyon.
Samtang, padayon ang kooperasyon sa PCPC uban ang National Nutrition Council ug Department of health aron mas mapalig-on ang implementasyon sa mga programa sa tanang LGU.
Kini nagpakita sa padayon nga paningkamot sa Zamboanga del Norte nga makahatag ug himsog nga kaugmaon alang sa tanan nga Zanortehanon.(Iken B. Gullem)
photo courtesy: PIA Zamboanga del Norte