Ang Philippine Eskrima Kali Arnis Federation (PEKAF), dako sa pagdayig ug pagpasalamat ngadto ni Governor Rosalina “Nanay Nene” Jalosjos human misuporta sa pagsalmot sa Mindanao Wide Qualifying League sa Isulan Sultan Kudarat.
Si Mr. Jeffrey Billionis, Trainor sa maong pederasyon uban ni Mr. Rey John T. Palma personal nga mipasalamat pinaagi ni Provincial Administrator Atty. Dug Christoper “Popoy” Mah.
Matud pa ni Billionis nga ang ilang mga players, sila si Edward Datoy 16 anyos, Grade 11 sa Zamboanga del Norte National High School (ZNNHS) nakakuha sa silver ug gold, 4th placer sila si Mc Kevin Saldon 20 anyos, 2nd year college JRMSU ug Fritz Manginsay, 17 anyos, Grade 11 sa ZNNHS.
Kwalipikado ang 3 ka mga nasangpit nga magdudula ngadto sa national game diin, kon ugaling makadaog na usab sa maong dula musalmot na usab kini sa South ASEAN Games 2023 nga ipahigayon sa nasud sa Cambodia.
Gikahinumduman nga ang PEKAF lakip ang ZaNorte Football Team ang gihatagan sa espesyal nga pagpaila sa kagamhanang probinsyal pinaagi ni Atty. Mah, atubangan sa mga kawani sa kapitolyo atol sa nakalabayng flag raising ceremony.
(Source: Provincial Information Center Zanorte Facebook page)
