Nag-apod-apod ang Provincial Disaster Risk Reduction and Management Office (PDRRMO) og Emergency Go Bags ngadto sa mga munisipyo sa Sergio Osmeña, Mutia, Piñan ug Polanco isip kabahin sa mga lakang sa probinsya sa pagpalig-on sa kahandam sa mga komunidad panahon sa emerhensiya ug kalamidad.
Tumong sa maong inisyatiba nga matabangan ang mga lokal nga panggamhanan ug mga komunidad sa pag-andam sa gikinahanglang mga suplay ug kagamitan nga mahimong magamit sa panahon sa mga kalamidad ug uban pang emerhensya.
Gipasiugda sa PDRRMO nga importante ang kahandam sa matag komunidad aron mas mapalig-on ang kapasidad sa mga residente sa pag-atubang ug pagresponde sa mga posibleng peligro.
Ang pag-apod-apod sa Emergency Go Bags kabahin sa padayong paningkamot sa probinsya sa pagpanalipod sa kinabuhi, pagpalig-on sa disaster preparedness ug pagtukod og mas lig-on ug disaster-resilient nga mga komunidad sa Zamboanga del Norte.(IKEN B. GULLEM)
Source: Provincial Disaster Risk Reduction and Management Zamboanga del Norte