Duha ka mga brand new vehicles ang nadawat sa Provincial Disaster Risk Reduction and Management Office (PDRRMO) gikan sa kagamhanang probinsyal.
Si OIC PDRRMO Head Engr. Dennis Tenorio nagkanayon nga ila na nga nadawat ang duha ka mga bag-ong sakyanan nga naglangkob sa usa ka utility van ug 4×4 pick-up.
Matud ni Tenorio nga ang nasangpit nga mga sakyanan maoy ilang gamiton sa pagresponde sa panahon sa emerhensiya, monitoring, seminars ug uban pa nga mga aktibidad sa probinsya.
Alayon niini nipaabot sa iyang pagpasalamat ang hepe sa PDRRMO ngadto kang Governor Rosalina “Nanay Nene” Jalosjos sa paghatag gilayon sa ilang gi-request nga dugang mga sakyanan sa ilang buhatan nga sarang nilang magamit panahon sa emerhensiya.
Para kang Engr. Tenorio, dako na kini kayo nga bintaha sa pagpadagan sa ilang serbisyo sa intero probinsya.
“Sa mga previous calamities usa ra gyod atong sakyanan. However duna man tay mga council members nga dunay capacity. Dunay mga sakyanan, dunay land assets, sea assets ug uban pa nga mga ekipo para magamit sa responde ug ubang mga munisipyo naa usab silay mga Municipal Disaster Officers, so nitabang usab sila sa pagresponde pagrelocate atong mga apektadong mga katawhan.” panapos saysay ni OIC Tenorio.
(Source: Provincial Information Center ZaNorte Facebook page)