Nagmalampuson nga gipahigayon sa Philippine Drug Enforcement Agency Regional Office 9 ang reorientation bahin sa PDEA-PNP Joint Memorandum Circular nga nagtudlo sa koordinasyon sa mga operasyon batok sa ilegal nga droga, didto sa DJ’s Backyard, Piñan, Zamboanga del Norte niadtong Nobyembre 11, 2025.
Gitumong sa kalihokan nga mapaligon ang panaghiusa tali sa mga ahensya, mapasabot pag-ayo ang operational guidelines, ug masiguro ang hapsay nga pagtuman sa mga lakang batok sa ilegal nga droga sa rehiyon.
Padayon ang paningkamot sa PDEA ug PNP sa pagtukod ug usa ka luwas, malinawon, ug drug-free nga Pilipinas.(JENIFFER JR. DELICA)
Source: Municipality of Piñan/Mayor Rommel Gudmalin