Gisugdan niadtong Nobyembre 10 hangtod Nobyembre 22, 2025, ang operasyon sa Philippine Identification System o PhilSys National ID sa ubos nga andana sa Government Center sa Dapitan City.
Gidasig ang mga interesado nga moanhi sa maong lugar aron magparehistro ug makakuha sa ilang opisyal nga PhilSys ID, nga magsilbi isip lig-on nga pamatuod sa identidad alang sa mas sayon nga pag-access sa mga serbisyo sa gobyerno ug pinansyal nga institusyon.
Padayon ang paningkamot sa lokal nga kagamhanan sa Dapitan nga mapalapdan ang serbisyo alang sa tanang Dapitanon pinaagi sa maong programa.(JENIFFER JR. DELICA)
Source: City Government of Dapitan