Mihimo ug courtesy call si Philippine Drug Enforcement Agency (PDEA) Regional Director Bryan B. Babang kang Governor Darel Dexter T. Uy kaniadtong Nobyembre 27 sa Provincial Capitol aron lig-onon ang panaghiusa sa mga sektor alang sa mas kusgan nga kampanya batok droga sa probinsya.
Kauban ni Director Babang ang pipila ka opisyal sa PDEA Region IX, lakip si Operations Division Chief Dorothy Joy E. Villoso ug mga representante sa PDEA-ZNPPO ug Regional Operations Center.
Gipasiugda sa Director ang pagdeploy ug K9 Units sa matag police station sa probinsya aron palig-onon ang checkpoints ug drug-interdiction operations.
Gihisgutan usab ang pagpalambo sa Drug Education Programs sa Departement of Education (DepEd) ug ang paglig-on sa Barangay Drug Clearing Program pinaagi sa Training of Trainers (TOT) alang sa barangay implementers.
Gitutukan usab ang pagpalapad sa Drug-Free Workplace Program aron masiguro ang drug-free nga palibot sa opisina sa gobyerno ug pribadong sektor. Mipadayag si Governor Uy og hingpit nga suporta ug misaad sa padayon nga whole-of-government ug community approach batok sa iligal nga droga sa Zamboanga del Norte.(IKEN B. GULLEM)
Source: Zamboanga del Norte Provincial News Network