Gipasidunggan ang Probinsiyal nga pangagamhanan sa Zamboanga del Norte tungod sa lig-on niini nga suporta sa komunikasyon sa gobyerno atol sa Regional Outstanding Communicators Awards (ROCA) 2025, nga gipahigayon sa Orchid Ballroom, Garden Orchid Hotel, Zamboanga City, kaniadtong Nobyembre 27, 2025.
Nadawat sa probinsya ang Certificate of Recognition alang sa padayon nga pakigtambayayong niini sa Philippine Information Agency (PIA) Region IX ug sa Communication and Advocacy Committee (ComAdCom) IX, ilabina sa pagpasiugda ug klaro, ug epektibong pagpaabot sa impormasyon sa publiko.
Gipasidunggan usab ang Dakbayan sa Dipolog sa kontribusyon niini sa komunikasyon sa rehiyon, pinaagi sa pagdawat ni City Information Officer Lorenzo Aseniero II sa gawad alang sa siyudad.
Mitambong sa seremonya ang mga lider sa rehiyon, lakip si PIA IX Regional Head Noemi B. Edaga, DSWD IX Regional Director Riduan P. Hadjimuddin, ug Zamboanga City Mayor Khymer Adan Olaso.
Ang ROCA 2025 nagpasidungog sa mga government information officers ug partner agencies nga nagpalig-on sa komunikasyon sa rehiyon ug naghatod ug hinungdanong impormasyon mas duol sa katawhan.(IKEN B. GULLEM)
SOURCE: ZAMBOANGA DEL NORTE PROVINCIAL NEWS NETWORK