Gipahigayon sa Provincial Government of Zamboanga del Norte pinaagi sa Provincial Core Planning Team, uban sa teknikal nga suporta sa Department of Agriculture–Philippine Rural Development Project (DA-PRDP) RPCO-IX, ang Stakeholders’ Consultation alang sa pag-update sa Provincial Commodity Investment Plan o PCIP 2026–2028 niadtong Hunyo 10 sa Top Plaza Hotel sa Dipolog City.
Gitambongan ang maong konsultasyon sa mga representante gikan sa nagkalain-laing sektor aron makahatag og mga suhestiyon, komento ug rekomendasyon nga makatabang sa pagpaangay sa plano sa mga prayoridad sa kalamboan ug sa panginahanglan sa sektor sa agrikultura ug pangisdaan sa probinsya.
Tumong sa kalihokan ang pagpalig-on sa partisipasyon sa mga stakeholders sa proseso sa pagplano, pagpalapad sa suporta alang sa mga programa sa pamuhunan, ug pag-ila sa mga oportunidad alang sa kooperasyon ug posibleng co-financing sa mga proyekto.
Sunod nga lakang sa maong proseso ang pormal nga pagpresentar sa gi-update nga PCIP 2026–2028 ngadto sa Provincial Development Council o PDC alang sa ilang pag-aprubar ug posibleng implementasyon sa mga prayoridad nga programa sa probinsya.(JENIFFER JR. DELICA)
Source: Zamboanga del Norte Provincial News Network