Mipasiugda ug payout o distribusyon kabahin sa Integrated Disaster Shelter Assistance Program (IDSAP) kaniadtong Oktubre 16, ning kasamtangang tuig ang lokal nga panggamhanan sa Gutalac, alang sa upat ka benipisyaris nga napartial damage ang panimalay tungod sa bagyong Crising.
Ubos sa liderato ni Mayor Eddie Justin Quimbo, uban sa Department of Human Settlements and Urban Development (DHSUD) nagmalampuson ang maong pag panghatag.
Ang maong kalihokan usa ka dakong lakang aron matabangan ang mga pamilya nga naapektuhan sa kalamidad ug mabawi pag-usab ang ilang panginabuhi ug paglaum.
Nagpamatood kini sa tinuod nga kadasig, malasakit, ug dedikasyon ni Mayor Quimbo sa pagserbisyo publiko nga padayon nga nagapangita ug mga paagi ug pakigtambayayong aron matubag ang panginahanglan sa iyang mga katawhan.
Kini nga inisyatibo nagpasigarbo sa prinsipyo sa “Excellent Just Quality Service” nga gisang-at sa administrasyon nga mohatag tinud-anay ug epektibong serbisyo alang sa tanan nga Gutalacnon.(Iken B. Gullem)
Photo courtesy: LGU Gutalac- Public Information