Gibuhian na pagbalik ang usa ka Green sea turtle o pawikan sa puy-anan niini sa kadagatan sa Dapitan Sunset Boulevard niadtong Lunes, Enero 29.
Nasuta nga ang maong pawikan aksidenteng nadakpan sa may baklad dapit sa Barangay Dawo ug Polo sayo sa buntag nianang adlawa ug gibanabana kini nga mutimbang sa 105 kilos ug adunay impresibong gidak-on nga may sukod nga 88 cm ang gitas-on ug 80 cm ang gilapdon.
Usa ka mangingisda nga si Efren Cidro, kinsa responsable sa pag aksyon, isip kinaiya sa Dapitanon ang daling pag padangat ngadto sa Dapitan City Agriculture Office para sa kaluwasan sa naasoy nga pawikan.
Ang City Agriculturist nga si Cyril Patangan dali mipadala og mga personahe alang sa kasiguradohan sa kaluwasan sa pawikan ug mahatagan kini ug temporaryo nga pag-atiman.
Ang maong pawikan,gitugyan ngadto sa Department of Environment and Natural Resources РCENRO Pi̱an alang sa propesyonal nga pagtimbang-timbang niini.
Si Ecosystems Management Specialist I sa CENRO Piñan, Rose Ann Belotendos ni saysay matod pa nga ang maong pawikan anaa kini sa kahimsog ug mahimo na kining buhian pagbalik sa kadagatan, dugang pa nga ang maong pawikan nalakip sa giingong “Endangered Species” base sa DENR Administrative Order (DAO) 2019-09.
Lakip sa gisaysay ni Belotendos mao ang pagdayeg sa Local Government Unit sa Dapitan tungod sa dali nga aksyon sa pag-turnover niini sa nadakpan nga pawikan.
Dugang pa niya, ang syudad adunay taas nga record sa pagluwas sa maong klase nga hayop ubos sa pagdumala sa Mayor sa Dapitan nga si Mayor Jalosjos ug gilakip niini ang adbokasiya sa Mayor alang sa coral reef ecosystem sa dakbayan ug niasoy nga ang mga pawikan adunay importante nga papel sa kinaiyahan sa dagat sa pagkaon sa seagrass ug nagtabang kini pag kontrol sa biodiversity aron balanse kini.
Sa samang higayon si Hon. Seth Federick “Bullet” P. Jalosjos mipaabot sa iyang mensahe sa malampusong pagbuhi ug balik sa mga green sea turtle isip pagpakita sa pagtinabangay alang sa kalain-laing mga binuhat.
Nipaabot usab sa katapusan sa iyang mensahe si Belotendos sa iyang pagdayeg sa responsableng aksyon sa mangingisda nga nag-awhag,kung aksidente nga makakuha og pawikan, awtomatiko kining itugyan sa mga awtoridad aron kini maproseso ug ibalik sa dagat.
(Medalyn U. Borja)
(Source: City Government of Dapitan Facebook Page)