Napalgang patay sa suba sa Barangay Palandok, lungsod sa Leon B. Postigo, Zamboanga del Norte ang usa ka lalaki kaniadtong buntag sa Disyembre 27, 2025.
Sumala sa inisyal nga imbestigasyon sa Philippine National Police (PNP), ang biktima nailhan nga si Mark Kevin Ramoga, residente sa Barangay Fatima, lungsod sa Salug, ug gituohang nanguryente ang biktima sa suba ug aksidenteng nalumos nga maoy hinungdan sa iyang kamatayon.
Mga alas 9:00 sa buntag dihang napalgan sa mga residente ang patayng lawas ug gilayon kining gireport sa kapulisan. Miduol dayon ang PNP kauban ang Bureau of Fire Protection (BFP), MDRRMO ug RHU alang sa retrieval operation.
Gidugang sa PNP nga nawala pa ang biktima sukad niadtong Disyembre 25, 2025. Human sa operasyon, giturn-over na ang patayng lawas sa pamilya sa biktima alang sa hustong pagpanimalay.(IKEN B. GULLEM)
PHOTO COURTESY: BFP R9 LEON B POSTIGO FIRE STATION