Nag-una ang Dapitan City sa tibuok Region IX sa resulta sa National Achievement Test (NAT) Grade 6 alang sa School Year 2024–2025, nga adunay Mean Percentage Score nga 70 porsyento.
Kini nga kalampusan bunga sa lig-on nga panaghiusa sa lokal nga kagamhanan ug DepEd, ubos sa suporta ni Mayor Evelyn T. Uy. Tungod sa maayong pagpangulo, gipalig-on ang mga programa sa edukasyon ug gihatagan ug hustong suporta ang mga magtutudlo ug estudyante.
Gipasalamatan usab sa DepEd Dapitan City ang dakong papel sa LGU sa pagpalambo sa kalidad sa edukasyon, lakip ang mga estratehikong programa nga nagtabang sa padayon nga pag-uswag sa academic performance.
Ang pagka-No. 1 sa NAT nagpamatuod nga ang Dapitan City nagpadayon sa kahusayan sa edukasyon ug naghulma og mas hayag nga kaugmaon alang sa kabatan-onan.(IKEN B. GULLEM)
Source: Zamboanga del Norte Provincial News Network