Gisusi sa usa ka espesyal nga Red Teaming inspection ang Leon B. Postigo Municipal Police Station aron masiguro ang kahandam sa mga kapulisan sa bisan unsang emerhensiya o hulga.
Ang inspeksyon gipangunahan ni PLTCOL Ramon I. Bautista Jr., Force Commander sa 2nd ZNPMFC, ug giinspect niini ang seguridad, operasyon, ug kahusayan sa personnel pinaagi sa simulation sa posible nga mga sitwasyon sa krimen o kagubot.
Gipunting usab sa inspeksyon ang pagpalig-on sa disiplina ug pagsunod sa saktong mga protocol. Giingon nga ang maong aktibidad makatabang sa pagpaayo sa kapasidad sa police station sa pagtabang sa komunidad ug sa pagpanalipod sa mga personnel.
Pinaagi sa Red Teaming, gilauman nga mas lig-on ang Leon B. Postigo Police Station sa pag-atubang sa dili matag-an nga mga sitwasyon ug sa pagmintinar sa kaluwasan sa katawhan.(IKEN B. GULLEM)
Source: Zamboanga del Norte 2nd PMFC