Gidala dayon sa ospital ang usa ka pasyente human nakit-ang walay panimuot ug dili motubag sa responding team sa Bureau of Fire Protection Emergency Medical Services o BFP EMS – Dipolog City Fire Station sa Purok 3, Cogon, Dipolog City, Zamboanga del Norte niadtong Agosto 23, 2026.
Pag-abot sa responding team, nakita ang pasyente nga naglingkod sa salog samtang gisuportahan sa mga kapamilya. Sa inisyal nga pagsusi, namatikdan ang mabaw ug saba nga pagginhawa, maputlang panit, samdan sa ibabaw ug ubos nga ngabil, ug gasgas sa wala nga tuhod.
Matud sa mga kapamilya, nakit-an nila ang pasyente nga naghapa sa salog. Giingon usab nila nga adunay kasaysayan sa altapresyon ang pasyente ug kaniadto nakitaan og taas nga presyon sa dugo atol sa iyang kataposang check-up.
Gidala ang pasyente sa Zamboanga del Norte Medical Center sa Dipolog City alang sa dugang nga pagsusi, ebalwasyon, ug tukmang pag-atiman medikal.(JENIFFER JR. DELICA)
Source: BFP R9 Dipolog City Fire Station