LILOY, ZAMBOANGA DEL NORTE — Dali nga mitubag ang EMS personnel sa Liloy Municipal Fire Station sa usa ka medical emergency sa Assumption of Mary Parish Church, Liloy, niadtong Abril 5, 2026.
Sumala sa report, nakuyapan ang usa ka pasyente ug nakit-an nga naghigda sa salog, walay panimuot ug dili motubag, hinungdan nga gilayon siyang giatiman sa standby BFP First Aid Service Team.
Girespondehan dayon sa Shift B EMS personnel ang sitwasyon pinaagi sa maampingong pagbalhin sa pasyente ngadto sa ambulance stretcher ug pag-immobilize aron masiguro ang kaluwasan niini.
Gidala dayon ang pasyente pinaagi sa ambulansya sa BFP ngadto sa Liloy Integrated District Hospital alang sa dugang eksaminasyon ug hustong pagtambal, samtang gipasiugda ang kahinungdanon sa kahandaan sa mga responder sa panahon sa emerhensya.(JENNIFER JR. DELICA)
Source: BFP R9 Liloy Fire Station