Gipahigayon sa Katipunan Municipal Fire Station ang “Paskong Ligtas sa Sunog Roadshow” ubos sa liderato ni Acting Municipal Fire Marshal FINSP Richard A. Parame. Ang kalihokan nahitabo sa atubangan sa Simbahan Katolika sa Barangay Uno, diin gipanghatag ang mga fire safety leaflets ug libreng tsokolate init sa katawhan.
Gidayandayanan og mga dekorasyong pang-Pasko ang mga fire truck samtang gipahat ang mga pahimangno sa kaluwasan batok sunog aron mapataas ang kaamgohan sa komunidad ilabi na karong holiday season.
Ang maong kalihokan nagpakita sa padayong paningkamot sa Bureau of Fire Protection sa pakig-uban sa komunidad ug sa pagpasiugda sa usa ka luwas, malinawon, ug walay sunog nga selebrasyon sa Pasko.(JENIFFER JR. DELICA)
Source/Photo Courtesy: BFP R9 Katipunan Fire Station