Mas gipahugtan pa sa Provincial Government of Zamboanga del Norte ug sa National Bureau of Investigation (NBI)-Dipolog District Office ang ilang panagtinabangay pinaagi sa courtesy call sa mga opisyal sa NBI kang Governor Darel Dexter T. Uy sa Governor’s Office sa Dipolog City niadtong Hulyo 14.
Gipangulohan ni Vine A. Perocho ang delegasyon nga gilangkuban usab nila Modesto Orestes B. Cajita, Gilron M. Sumalpong, Clarita C. Culanculan, ug Lea Joy Bongcales.
Tumong sa maong pagbisita ang pagpadayon sa lig-on nga koordinasyon tali sa duha ka institusyon aron suportahan ang mga inisyatiba sa pagpalig-on sa kalinaw ug kahapsay, pagpanalipod sa kaluwasan sa publiko, ug paghatag og mas episyente nga serbisyo sa katawhan sa Zamboanga del Norte.(IKEN B. GULLEM)
Source: Zamboanga del Norte Provincial News Network