Usa ka lakang kabahin sa padayon nga paningkamot sa pagpreserbar sa kinaiyahan, ang gibuhat sa City Government of Dapitan human gibuhian ang pito ka itloganong alimango ngadto sa Dapitan River aron mapalig-on ang pagdaghan sa matang ug mapadayon ang kahimsog sa ekosistema.
Gipangulohan ni Vice Mayor Gabriel M. Cad, uban sa mga kawani sa City Agriculture Office, ang ceremonial release nga nagtumong sa pagpanalipod sa biodiversity ug pagdasig sa malungtarong pagdumala sa mga kahinguhaan sa suba ug baybayon.
Matud pa sa lokal nga pangagamhanan, ang pagbalik sa mga itloganong alimango sa ilang natural nga pinuy-anan makatabang sa natural nga pagpadaghan sa ilang populasyon ug sa pagmintinar sa balanse sa kinabuhi sa katubigan.
Giduso usab ni Vice Mayor Cad ang publiko, labi na ang mga mangingisda ug mga komunidad daplin sa suba, nga mahimong kabahin sa pagpanalipod sa kinaiyahan pinaagi sa responsableng pagdumala sa natural nga mga kahinguhaan.
Padayon nga gipalambo sa City Agriculture Office ang mga programa sa fisheries conservation ug environmental sustainability isip kabahin sa tumong sa Dapitan nga mapreserbar ang mga kahinguhaan sa kinaiyahan alang sa umaabot nga mga henerasyon.(IKEN B. GULLEM)
Source: City Government of Dapitan