Malampusong gipahigayon ang pagtapos sa National Children’s month niadtong Nobyembre 30,2024, didto sa sa dakbayan sa Dapitan.
Ang maong pagtapos sa selebrasyon nahimong masadyaon diin gisalmotan sa 481 ka mga kabatan-unan kinsa malipayong midawat sa pinaskuhan nga gikan sa Mayor sa dakbayan sa Dapitan nga si Mayor Seth Frederick “Bullet” Jalosjos pinaagi sa paghatag ug kahigayunan ngadto sa mga bata sa paglantaw sa usa ka salida nga Moana 2 ngadto sa sinehan.
Nasayran nga ang maong mga kabataan mao ang pipila sa mga mitambong atol sa State of the Children Address (SOCA) ni Mayor Bullet Jalosjos.
Dugang pa si Mayor Jalosjos ang napiling mananaug isip Most Functional Local Council for the Protection of Children (LCPC) sa tibuok probinsya sa Zamboanga del Norte kinsa adunay pagbati nga muhatag ug proteksyon ngadtod sa kabataan ug muhatag ug kalipay nga programa alang kanila. (Medalyn U. Borja)
(Source: City Government of Dapitan)