Mitubag dayon ang Bureau of Fire Protection Liloy Municipal Fire Station sa usa ka vehicular accident nga nahitabo sa Barangay Lamao alas nuebe sa buntag niadtong Enero 1, 2026, ubos sa pagpangulo ni Acting Municipal Fire Marshal Fire Inspector Dave C. Dela Cruz.
Pag-abot sa lugar, nakit-an sa BFP EMS personnel ang pasyente nga anaa sa daplin sa dalan ug dayong gisailalom sa paunang assessment, diin nasuta ang mga galos sa ibabaw ug ubos nga bahin sa lawas. Giligid dayon ang pasyente sa spine board, gisiguro ang hustong stabilisasyon, ug gikuha ang vital signs.
Human sa paunang tabang, gidala dayon ang pasyente sa Liloy Integrated Health District Hospital alang sa dugang nga medikal nga pag-atiman, samtang padayon ang kahandam sa BFP Liloy sa pagresponde sa mga emerhensiya bisan sa unang adlaw sa Bag-ong Tuig.(JENIFFER JR. DELICA)
Source: BFP R9 Liloy Fire Station