Mas gipalig-on pa sa buhatan sa Department of Agrarian Reform (DAR), ZDN ug sa Lokal nga Kagamhanan sa Piñan ang kolaborasyon alang sa paglambo sa kahinguhaan pinaagi sa consultation meeting nga gipahigayon didto sa Piñan, Zamboanga del Norte, Septiyembre 18, 2028.
Ang maong panagtigom gipangulohan ni PAPRO II Rizzel B. Villanueva ug ni Hon. Mayor Cecilia Jalosjos sa LGU sa Piñan.
132.4579 ka ektarya, nga nalambigit sa 88 ka Agrarian Reform Beneficiaries (ARBs) nga nahimutang sa Lower Gumay Piñan, ang nahimong hilisgotanan sa gihimong panagtigom ug ang pagbayad sa buhis alang sa CARP-covered area sa La Finca Agro-Industrial Corporation sa kinatibuk-ang 9 ka gilapdon sa yuta diin base sa survey nagpadayon pa, ang mga paningkamot nagpadayon sa pag-instalar sa mga ARB sa ilang tagsa-tagsa ka mga dapit sa pagtikad.
Si PARPO II Villanueva nihatag og gibug-aton sa kamahinungdanon sa pagsulbad sa dugay na nga isyu sa pag-apod-apod sa yuta sa La Finca Agro-Industrial Corporation.
Sa samang higayon gihimo usab ang pag-isyu sa tagsa-tagsa nga Certificates of Land Ownership Award (CLOAs) ngadto sa ARBs nga maghatag ug tenurial nga seguridad.
Kini mosangpot sa ilang dugang nga produktibidad ug kita ug pagkahuman sa pag-apod-apod sa yuta gihisgutan sa mga opisyal ang mga plano sa paghatag serbisyo sa suporta, lakip ang mga proyekto sa panginabuhi, pagtanom pag-usab sa mga punoan sa lubi, ug pagpaila sa uban pang mga tag-as nga mga tanum.
Ang DAR ug ang LGU sa Piñan nagpaabut sa usa ka labaw nga pagtinabangay nga paningkamot sa pagdala sa kalamboan alang sa ARBs sa La Finca. (Medalyn U. Borja)
(Source: DAR Zambonorte)