Gipanganuhan sa mga personahe sa 1st Provincial Mobile Force Company (1st PMFC) pag turned-over sa Project LABA PARA SA BAYAN: “Hindi Pamilya Lang, Kundi Bawat Tahanan” ngadto sa komunidad sa Barangay Kauswagan, Lungsod sa Sergio Osmeña, Zamboanga del Norte niadtong Hulyo 26,2026.
Ang maong kalihokan gitambongan sa mga personahe sa ZN1st PMFC uban sa Punong Barangay sa Kauswagan nga si Hon. Carlito Raliao, kansang padayon nga suporta ug kolaborasyon nakatabang sa malampusong pagpatuman sa proyekto.
Ang nasangpit nga proyekto nagtumong sa paghatag ngadto sa mga residente og pasilidad nga magamit sa tanan alang sa pagpanglaba, nga makahatag og kaayohan pinaagi sa pagpasiugda sa kalimpyo, hustong hygiene, ug kasayon sa ilang adlaw-adlaw nga mga buluhaton sa panimalay.
Pinaagi niini mapagaan ang palas-anon sa mga pamilya—ilabi na niadtong adunay limitado nga access sa tubig ug angay nga lugar nga kalabhan.
Usa ka pamaagi nga makapalambo m usab sa pagbati sa hiniusang responsibilidad sa pag-atiman sa pasilidad alang sa kaayohan sa tibuok komunidad.
Nasayran nga ang Project LABA PARA SA BAYAN, nagpalig-on pag-usab sa 1st PMFC sa pagpakita sa pasalig sa pagserbisyo mga makapauswag sa kalidad sa kinabuhi sa mga residente sa Barangay Kauswagan pinaagi sa pagpatuman sa mga malungtarong inisyatibo nga nagpasiugda sa sanitasyon, pagpalambo sa panglawas sa publiko ug komunidad.(MEDALYN U. BORJA)
Source: PNP Zamboanga del Norte 1st Provincial Mobile Force Company