Mitabang ang Zamboanga del Norte 2nd Provincial Mobile Force Company (2nd PMFC) Regional Public Safety Battalion (R-PSB) Team sa Ipilan Makigihun Alsa Masa Farmers Association sa pagkompleto sa mga kinahanglanon alang sa ilang registration ug sa pagpangandam alang sa proposed Tulong Panghanapbuhay sa Ating Disadvantaged/Displaced Workers (TUPAD) Program.
Gipahigayon ang final validation ug listing sa mga miyembro sa asosasyon kagahapong adlawa, Hulyo 26, 2026, alas-9 sa buntag, sa covered court sa Barangay Ipilan, Salug, Zamboanga del Norte.
Mitabang ang team sa pagkolekta, pag-andam ug pag-consolidate sa mga documentary requirements nga gikinahanglan alang sa registration sa farmers association.
Gitabangan usab sa mga personahe ang asosasyon sa pagpangandam sa mga dokumento alang sa proposed DOLE-TUPAD Program, nga nagtumong sa paghatag og skills training ug livelihood opportunities sa mga farmer-beneficiaries pinaagi sa Technical Education and Skills Development Authority (TESDA).(IKEN B. GULLEM)
Source: PNP Zamboanga del Norte 2nd PMFC