Atul sa Switch On sa mga dayan dayan sa Pasko sa Kapitolyo, Nobyembre 28, usa ka dakong Christmas Bell ang nahimong nagbulok niini diin gihugupan sa mabagang duot sa katawhan.
Kini nagsimbolo sa lanog nga himaya, kalampusan ug maayong balita alang sa tanan.
Si Provincial Administrator Wilberth Magallanes, kinsa nagrepresentar ni Governor Rosalina “Nanay Nene” Jalosjos sa iyang mensahe, iyang gipaabot ang mensahe nga nanghinaut sa Malipayong Pasko ug Mabungahon nga Bag-ong Tuig alang sa tanang taga Zamboanga del Norte.
Dugang ni Magallanes nga dili na buot ni sa gobernador nga madelatar ang gikahinaman sa tanan, ang Switch On sa mga dayan-dayan.
Samtang nasayran gikan sa Provincial Tourism Office nga ang maong mga dayan-dayan sa Pasko niining tuiga sa Kapitolyo nagbulok sa pula, green ug blue ug uban pang simbolo nagpadayag sa kasamtangang administrasyon sa pasalig niini nga dad-on ang Zamboanga del Norte ngadto sa lugar diin maoy gidamgo sa katawhan ug gitinguha nga ilang maangkon.
Si Magallanes uban sa mga opisyales sa kapitolyo nangahatag kini ug mga regalo sa mga kabataan.
Gisunod gilayon ang nagkalain-laing performances ug live band nga nakahatag ug lingaw sa mga dumuduong.
(Source: PIC Zanorte)