Ubos sa liderato ni FCINSP Rommel S. Carpio, City Fire Marshal, malampusong napahigayon sa Dipolog City Fire Station ang High-Density Emergency Evacuation ug Rescue Drill sa Andres Bonifacio College niadtong Agosto 27, 2025.
Ang kalihokan gipasiugdahan sa Community Relations Unit, nga gipangulohan ni SFO1 Mark Jefferson S. Canggas, uban sa kooperasyon sa BFP Dipolog Special Rescue Force ug EMS Crew. Usa sa mga tampok nga bahin sa drill mao ang pagpatuman sa High Angle Singaporean Belay rescue technique, nga nagpakita sa espesyal nga kahanas ug kapasidad sa fire station sa pagdumala sa high-risk rescue operations.
Aktibong misalmot ang mga estudyante, faculty, ug staff sa maong eskwelahan, nga hapsay ug epektibong nakapatuman sa ilang emergency evacuation protocols, hinungdan sa kalampusan sa aktibidad.
Pinaagi sa maong kalihokan, gipakita ang kahandaan sa BFP-Dipolog ug ang lig-on nga kooperasyon sa mga partisipante aron mapalig-on ang kahibalo ug pagpangandam batok sa emerhensiya sulod sa institusyon pang-edukasyon.(Jumalisa Papa)
Source: BFP R9 Dipolog City Fire Station