Dipolog: P5.7-milyon danyos sa halos pito ka oras sunog sa Sindangan

0
1

Naugdaw ang usa ka shopping center human nasunog didto sa Barangay Poblacion sakop sa lungsod sa Sindangan, Zamboanga del Norte, niadtong hapon sa Enero 22, 2023.

Ang nasangpit nga establishmento mao ang ABC Shopping Center nga gipanag-iya sa negosyante nga si John Lee Wang.

Sa nahipos nga report, nagsugod ang sunog nianang mga alas 3:55 kapin kon kulang ang takna sa hapon.

Gikataho nga dali kaayo nga mingkaylap ang kalayo ug nilamoy sa tanang mga baligyang RTW’s ug uban pa.

Tungod sa kadako sa kalayo gisaka sa taga Bureau of Fire Protection (BFP) ngadto sa ika-tulo nga alarma ang nasangpit nga sunog.

Samtang ang mga empleyado nga anaa sa ikaduhang andana sa maong building lowas ra hinoon nga nakagawas ug ingon man ang anaa sa silong.

Sulod sa halos kapin sa oras nga kinombate sa mga bombero nakontrolar nila ang nagpanilap nga kalayo apan subli kini nga nisilaob anang pagka gabii maong ilang gibalikan ug hingpit nga napalong nianang mga alas 10:38 ang takna sa gabii.

Dili moubos sa P5.7million ang natalang danyos.

Samtang wala ra hinooy gitala nga casualty.

Ang taga Bureau of fire padayon pa nga nihimo ug imbestigasyon aron masuta ang hinongdan sa kalayo.

(Source: Dipolog Balita Express)

LEAVE A REPLY

Please enter your comment!
Please enter your name here