Suma total P3,600 nga honorarium ang gisugdan og hatag sa provincial government ngadto sa mga Barangay Health Worker (BHW), Barangay Nutrition Scholar (BNS), ug Child Development Worker (CDW) sa usa ka honorarium payout nga gipahigayon sa Barangay Disud, Sindangan.
Kabahin kini sa annual honorarium nga kinahanglan mo serbisyo 12 ka bulan sulod sa tuig 2025, ug unang lakang sa probinsya aron diretsong matabangan ang mga barangay frontliners nga nag-unang nag-atiman sa panglawas ug nutrisyon sa komunidad.
Sumala sa Provincial Health Office, ang Sindangan ug Siayan ang unang lungsod nga nahilakip sa payout cluster nga gilangkoban sa 489 ka barangay workers sa Sindangan ang benepisyaryo, samtang 180 ka CDW, BNS, ug BHW sa Siayan ang nakadawat usab sa maong ayuda.
Gibutyag ni OIC-Provincial Health Officer Dr. Benzon Panaguiton nga ang programa usa ka pamaagi sa pagpasalamat sa mga boluntaryong manggagawa sa barangay nga padayon nagserbisyo bisan limitado ang benepisyo.
Gipahinumduman usab nga ang mga benepisyaryo kinahanglan accredited sa Provincial Health Board aron makadawat sa honorarium.(IKEN B. GULLEM)
Source: Zamboanga del Norte Provincial News