Gitutokan sa Lomogom Irrigators Association (IA), uban sa National Irrigation Administration (NIA) Zamboanga del Norte Regional Sub-Office (ZDNRSO), ang mga kabalaka sa mga mag-uuma may kalabotan sa usa ka estruktura nga nahimutang sa main canal sa Lomogom Communal Irrigation System (CIS), atol sa gipahigayong Turn-Out Service Area Group (TSAG) meeting.
Gipangulohan ni Engr. Marie Therese T. Taladua, hepe sa NIA-ZDNRSO, ang diskusyon sa mga lakang aron masulbad ang mga isyu sa irigasyon ug mapalig-on ang pagdumala sa sistema.
Gipasiugda usab ni Engr. Taladua ang plano sa paglakip sa bag-ong potensyal nga service areas sa umaabot nga mga proposal sa NIA, nga gitumong sa pagpalapad sa sakop sa irigasyon ug pagpausbaw sa produksiyon sa agrikultura sa munisipyo sa Godod.
Padayon usab ang pagmonitor ug paggiya sa NIA Regional Office IX sa mga kalihokan sa Lomogom CIS isip kabahin sa paningkamot sa ahensya nga masuportahan ang malungtarong irigasyon ug mapalambo ang panginabuhian sa mga mag-uuma sa maong lugar.(IKEN B. GULLEM)
Source: NIA ZAMBOANGA PENINSULA