Sikop ang usa ka drug suspect pinaagi sa gipahigayon nga drug buy bust operation sa mga otoridad sa Brgy. Poblacion, Siocon, Zamboanga Del Norte ug nasakmit ang mokabat sa 238, 000 ka pesos nga kantidad sa iligal nga drugang shabu nakalabayng adlaw.
Nailhan ang dinakpan nga si alyas Tony, lalaki, 39 anyos ug lumulupyo sa Brgy. Bucana sa nahisgutan nga lungsod.
Nakuha gikan sa suspetsado ang shabu nga motimbang ug 33 gramos ug mokantidad ug 238,000.00 ka pesos mga drug paraphernalia ingon man buy bust money.
Ang pagkasikop gipanguluhan sa mga personahe sa Zamboanga del Norte Police Drug Enforcement Unit, Siocon Municipal Police Station ug 905th MC RMFB9.
Sa pagkakaron ang suspetsadong dinakpan ang anaa kini himas rehas na sa selda sa Siocon MPS ug mag-atubang sa kasong kalapasan sa RA 9165 kon Comprehenssive Dangerous Drugh Act of 2002.(Angelica T. Obina)
Source: Siocon Pnp