Gipangunahan sa Department of Agrarian Reform (DAR) Zamboanga del Norte ang pagpahigayon og orientation sa Cooperative Assessment Information System (CAIS) alang sa mga Agrarian Reform Beneficiaries Organizations (ARBOs) sa probinsya, inubanan sa Cooperative Development Authority (CDA).
Gipangulohan kini ni Provincial Agrarian Reform Program Officer (PARPO) II Daisy Dell Suan Digamon, kauban si PARPO I Engr. Alfonso A. Tan ug ubang mga opisyal sa ahensya.
Tumong sa CAIS nga matabangan ang mga ARBO sa pag-andam sa ilang annual reports, pagpalig-on sa internal management system, ug pagmonitor sa performance sa kooperatiba aron masiguro ang malungtarong operasyon. Pinaagi sa maong sistema, gilauman nga mas mosaka ang lebel sa transparency ug organisadong pagdumala sa mga kooperatiba.
Sumala sa DAR, kabahin kini sa direksyon sa ahensya ubos ni Conrado M. Estrella III nga himuong malampusong “agri-preneurs” ang mga benepisyaryo sa agrarian reform ug mahimong aktibong kabahin sa kalamboan sa kabanikanhan.(IKEN B. GULLEM)
Source: DAR Zambonorte