Malampusong gipahigayon sa City Government of Dapitan pinaagi sa City Population Program Division (CPPD) ang unang hugna sa Pre-Marriage Orientation alang sa 35 ka magtiayon, nga gipahigayon sa Amphitheater, Government Center, isip pangandam sa Kasalang Bayan 2026 karong Pebrero 14.
Gihatagan og kahibalo ang mga partisipante bahin sa kaminyoon, responsableng pagkapamilya, kahimsog sa reproduktibo, pagdumala sa panimalay ug pinansya, lakip na ang balaod kontra karahasan batok sa kababayen-an ug kabataan.
Samtang, ang mga sesyon gipangunahan sa mga eksperto gikan sa lokal nga pangagamhanan ug kapulisan.
Pinaagi sa maong oryentasyon, natabangan ang mga magtiayon nga matuman ang legal nga mga rekisito ug maandam sa mga responsibilidad sa kaminyoon, isip pagsiguro sa lig-on ug malinawon nga mga panimalay sa Dapitan City.(IKEN B. GULLEM)
Source: City Government of Dapitan