RIZAL ZDN– Naghiusa ang mga lider sa lain-laing sektor sa lalawigan sa Zamboanga del Norte sa pagpangayo og giya sa Labawng Makagagahum alang sa husto, matarong, ug responsableng panggobyerno, isip pundasyon sa malinawong pagdumala ug kalamboan sa komunidad.
Gipangulohan ni Hon. Mayor Marissa Manigsaca sa Lungsod sa Rizal ang panawagan sa lig-on nga panaghiusa, diin gipasiugda ang kolaborasyon ug koordinasyon tali sa mga lider aron mapalig-on ang serbisyo publiko ug masiguro ang malinawong pag-uswag sa katawhan.
Padayon ang paningkamot sa lokal nga panguluhan sa pag-alagad alang sa kaayohan sa tanang katawhan, uban ang tumong nga mapanday ang mas progresibo ug mas lig-on nga kaugmaon alang sa lungsod ug sa tibuok Zamboanga del Norte.(JENIFFER JR. DELICA)
Source: Municipality of Rizal