Nakigtagbo si Cebu Governor Pamela Baricuatro kang Tourism Infrastructure and Enterprise Zone Authority (TIEZA) General Manager Mark Lapid niadtong Martes, Pebrero 10, 2026, aron palig-onon ang panaghiusa sa duha ka ahensya ug hisgutan ang bag-ong mga oportunidad alang sa pagpalambo sa turismo sa lalawigan.
Atol sa maong miting, gipahibalo ni Lapid ang gobernador nga andam nang ipadayong pag usab karong tuiga ang restoration sa Simbahan sa Sibonga. Ang proyekto tumong sa pag-ayo sa mga kadaot nga naangkon sa simbahan tungod sa Super Typhoon Odette niadtong 2021.
Matod pa sa TIEZA, importante ang pagpanalipod ug pag-ayo sa mga historical ug cultural landmarks sama sa Simbahan sa Sibonga kay dako kini’g papel sa turismo ug sa kasaysayan sa Cebu.
Gipasalamatan ni Gov. Baricuatro ang TIEZA sa padayon nga suporta niini sa lalawigan ug iyang giingon nga ang maong proyekto makatabang dili lang sa pagbangon sa turismo, kundili usab sa pagpreserbar sa kultura ug paghatag og dugang panginabuhian sa lokal nga komunidad.
Source: Cebu Province PIO
I via Renante Socia Lada