Naglunsad og public information campaign ang Katipunan Police Station ilalom sa OPLAN BANDILLO sa Poblacion, Katipunan, Zamboanga del Norte aron palig-onon ang kaluwasan ug kooperasyon sa komunidad.
Gipangulohan kini ni Police Staff Sergeant Geppryl Vincent R. Tidor, patroller, ilalom sa pagdumala ni Police Captain Rommel John B. Sabas, Officer-In-Charge sa estasyon. Gigamit sa kalihukan ang RECOREDA nga nagpasabot Read, Coordinate, Report, and Advise.
Pinaagi sa maong kampanya, gidasig ang mga residente nga magbantay, makigkoordinar sa kapulisan, ug dayong motaho sa bisan unsang kahimtangan nga makadaot sa kalinaw ug kahusay sa ilang lugar.(JENIFFER JR. DELICA)
Source: Katipunan Municipal Police Station ZNPPO