Mitubag dayon ang Shift A Emergency Medical Services personnel sa Liloy Municipal Fire Station alas-2:14 sa kadlawon niadtong Enero 4, 2026, human adunay gitaho nga emergency medical response sa Barangay Timan, Liloy, Zamboanga del Norte, ubos sa pagpanguna ni FINSP Dave C Dela Cruz, Acting Municipal Fire Marshal.
Pag-abot sa lugar, nakita sa mga bombero ang pasyente nga nahimutang sa kilid sa dalan ug may samad sa ibabaw nga ngabil. Gilayon nilang gihimo ang inisyal nga assessment ug gihatagan og paunang tabang, lakip ang paglimpyo sa samad, pagbutang og antiseptic, ug pagtak-op gamit ang sterile nga gauze.
Human sa hustong pag-atiman sa lugar, gidala ang pasyente sa Liloy Integrated Health District Hospital alang sa dugang nga medikal nga pagtratar, samtang padayon nga nagpakita ang BFP Liloy sa ilang kahandam ug paspas nga pag-alagad sa komunidad.(JENIFFER JR. DELICA)
Source: BFP R9 Liloy Fire Station